|
Í heimi harðnandi samkeppni og sífelldra breytinga þurfa fyrirtæki sífellt að leitast við að vera í fremstu röð ætli þau að ná árangri. Við hjá Sjónarrönd sérhæfum okkur í að þróa og innleiða ráðgjafar- og hugbúnaðarlausnir til að hjálpa sölu- og markaðsdrifnum fyrirtækjum að ná fram umbótum gagnvart lykilþáttum í starfseminni.
Sjónarrönd er sölu- og þróunaraðili ValuePlan áætlanakerfisins sem hefur verið í notkun hjá mörgum af stærri fyrirtækjum landsins frá árinu 2003.
ValuePlan kerfið heldur utan um alla áætlanagerð fyrirtækja á þægilegan hátt. Kerfið er hraðvirkt, fljótlegt í innleiðingu og tengist öðrum kerfum með einföldum hætti. Skýrslu- og greiningarlausnir eru innbyggðar í ValuePlan kerfið
Nánari upplýsingar um ValuePlan kerfið má sjá hér.
"Með innleiðingu ValuePlan hefur Ölgerðinni tekist að stórbæta framleiðslustýringu og draga verulega úr vöruvöntun." (Valur Ásberg Valsson, Ölgerðinni.)
"Við hjá Pennanum tókum ValuePlan fjárhagsáætlanakerfið í notkun í nóvember 2008. Innleiðing kerfisins gekk hratt og vel fyrir sig og hefur það staðist væntingar okkar vel. Hjá okkur er áætlanagerðin umfangsmikið verkefni sem fjöldi starfsmanna kemur að. ValuePlan kerfið hefur auðveldað okkur áætlanagerðina mikið og þegar skilað umtalsverðum tímasparnaði. Ég gef ValuePlan kerfinu mín bestu meðmæli." (Sara Magnúsdóttir, Pennanum)
Sjónarrönd er umboðsaðili Spotfire greiningarlausna, sem eru afar hentugar til greiningar og myndrænnar framsetningar á stórum gagnasöfnum og nýtast vel til uppsetningar á mælaborðum fyrir mismunandi þætti rekstrarins. Spotfire lausnir eru notaðar af fjölda fyrirtækja í öllum atvinnugreinum. Nánari upplýsingar er að finna hér .
Rekstrarráðgjöf og greining hefur frá upphafi verið umtalsverður hluti af starfsemi félagsins. Meðal annars höfum við tekið að okkur ýmiss konar úttektir, verðmats- og greiningarverkefni, gerð viðskiptaáætlana og aðstoð við stefnumótun og uppbyggingu verkferla bæði fyrir einkafyrirtæki og opinbera aðila.
Sjónarrönd er í eigu Þorsteins Siglaugssonar og Guðmundar Guðlaugssonar. Framkvæmdastjóri er Þorsteinn Siglaugsson og stjórnarformaður Jón Árni Ólafsson. Starfsmenn eru fjórir.
|
|
|
